職場收聲

見工小貼士 - 想要求薪金高D 或者包薪高D

一. HR(人事部經理)/老闆對包薪及要求薪金定義

人事部經理/老闆睇比幾多人工/包薪比你,是一定要睇你過往的糧單,所以你記得一定要帶糧單,重要的是,不是求其帶的,要帶就一定要帶高過你人工要求/包薪的糧單(如果有就帶越多越好),例如我要求包薪$20000,就千萬不要帶$20000以下的糧單去了。


二. 點定你自己的要求薪金/包薪人工

定你的要求薪金/包薪人工係有技巧,假設你要求薪金/包薪人工是$20000, 你就一定要跟足我指示, 記得一定一定要寫你包$21000-$22000,因為有六七成HR/老闆都會係面試時問你,你最低的要求薪金是多少,你係以個時候,你就答佢, 你的底線可以講$20000或$21000(就你自己喜歡),咁樣的話,有八成機會比到$20000 比你,有兩成機會比到$21000比你。


三.沒有Reference check

其實做美容以行,好就好在,間間美容中心都吾會有Reference Check(即係向你前僱主查証你的過往工作經驗),咁所以你自己吹幾大就幾大,其實佢地都係講個信字,而無從考究,所以一個面試真係可以定你PASS定FAIL,只要自己係見工前一早唸定好故事,唸定好HR 問你D 乜野,你面試得好(即係吾好比HR問到口啞啞),人工其實佢地一定比得起,做美容D 僱主賺到笑,只要你幫佢搵到錢,佢地一定吾會吝嗇(孤寒)!


四. 做好面試準備

講咁多技巧及注意事項比你知,但都一定要你自己本身有做好見工的準備及你自己本身有料(經驗及技術)先可以O既,有時間就係見工前睇左「見工錦囊」先http://joinbeauty.com.hk/interview-tips/,美容公司的老闆/HR也不是傻的,佢地日日都見咁多求職者,一眼就知你有無料。吾好無料扮四條!!!


五大轉工原因 – 醫學美容心聲篇

一. 收入不夠高

眼見其他朋友係第二間醫美公司個個月都話爆工爆數,人工多自己萬萬聲,有邊個吾心旭旭想走,係時間睇一睇其他公司有無更好Offer 啦,重係公司道睇劇浪費時間


二. 吾夠客

有八成求職者係見工時都吾識問一個問題,當HR 問你重有無其他問題時,你就記得問:「以間鋪一個月有幾多booking? 我一個月平均有幾多客?」一方面睇下果HR 有無能力答到你,另一方面睇下自己真係有無客,到左三個月至半年,睇下間公司有無「水」你,如果水你,搵定工啦!因為無客又點會有數,重想水你,D客要慢慢儲。


三. 客無質

成日聽D經理話D客邊會有有無質之分,真係好笑,你試下黎緊十個客都係脫毛maintenance 客呀!同有十個不嬲買開針的客,你會楝邊個!當你Kai 子


四. 人事太復雜

要埋堆、分客不均、成日擦鞋、假面人、個個都錯吾捉只係捉你一個⋯⋯⋯(太多⋯),咁你睇下洗吾洗轉換下環境?人地對你的印象以家野好難改變到,寧願去新公司改埋個名重新黎過啦!


五. 福利差

如果間公司連每月六日例假(未計额外勞假)都無,你真係有錢無命享,做死人!香港返工一定要「工作生活平衡Work Life Balance」,多D假先可以減少壓力,先有精力再冲刺,米同講放咁多假邊有錢以D歪理。


如果以上五大原因是旦一兩様發生係你身上,重吾醒目!拿拿聲搵工啦。